ਆਂਡੇ ਦੀ ਵਰਤੋਂ ਨਾ ਸਿਰਫ ਸਿਹਤ ਬਣਾਉਣ ਲਈ ਕੀਤੀ ਜਾਂਦੀ ਹੈ ਸਗੋਂ ਇਹ ਰੂਪ ਨਿਖਾਰਣ ਦੇ ਵੀ ਕੰਮ ਆਉਂਦੇ ਹਨ। ਆਂਡੇ ਦਾ ਸਫੇਦ ਹਿੱਸਾ ਹੋਵੇ ਜਾਂ ਫਿਰ ਉਸ ਦੀ ਜਰਦੀ, ਦੋਵੇ ਹੀ ਸਿਹਤ ਅਤੇ ਸੁੰਦਰਤਾ ਲਈ ਵਿਸ਼ੇਸ਼ ਰੂਪ ਨਾਲ ਫਾਇਦੇਮੰਦ ਹੈ। ਪਰ ਕੀ ਤੁਸੀਂ ਕਦੇ ਆਂਡੇ ਦੇ ਛਿਲਕੇ ਨਾਲ ਰੂਪ ਨਿਖਾਰਣ ਦੀ ਗੱਲ ਸੁਣੀ ਹੈ? ਘੱਟ ਹੀ ਲੋਕਾਂ ਨੂੰ ਪਤਾ ਹੋਵੇਗਾ ਕਿ ਆਂਡੇ ਦੇ ਛਿਲਕੇ ਦੀ ਵਰਤੋਂ ਸਕਿੰਨ ਨਾਲ ਜੁੜੀਆਂ ਕਈ ਸਮੱਸਿਆ ਨੂੰ ਦੂਰ ਕਰਨ ਲਈ ਕੀਤੀ ਜਾਂਦੀ ਹੈ। ਵਿਸ਼ੇਸ਼ਕਾਂ ਦੀ ਮੰਨੀਏ ਤਾਂ ਆਂਡੇ ਦੇ ਛਿਲਕੇ ਨਾਲ ਚਮੜੀ ਨਾਲ ਜੁੜੀਆਂ ਕਈ ਤਰ੍ਹਾਂ ਦੀਆਂ ਪ੍ਰੇਸ਼ਾਨੀਆਂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ। ਇਸ ਦੇ ਨਾਲ ਆਂਡੇ ਦੇ ਛਿਲਕੇ ਦੀ ਸਹੀ ਵਰਤੋਂ ਨਾਲ ਚਮੜੀ ਸਾਫ ਹੁੰਦੀ ਹੈ ਅਤੇ ਨੈਚੁਰਲ ਗਲੋ ਆਉਂਦਾ ਹੈ।
ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਆਂਡੇ ਦੇ ਛਿਲਕਿਆਂ ਦਾ ਵਰਤੋਂ ਕਿਸ ਤਰ੍ਹਾਂ ਨਾਲ ਕੀਤੀ ਜਾਵੇ? ਆਂਡੇ ਦੇ ਛਿਲਕੇ ਦੀ ਵਰਤੋਂ ਕਰਨ ਤੋਂ ਪਹਿਲਾਂ ਉਸ ਨੂੰ ਚੰਗੀ ਤਰ੍ਹਾਂ ਸੁੱਕਾ ਲੈਣਾ ਬਹੁਤ ਜ਼ਰੂਰੀ ਹੈ। ਆਂਡੇ ਨੂੰ ਤੋੜਣ ਤੋਂ ਬਾਅਦ ਛਿਲਕੇ ਨੂੰ ਧੁੱਪ 'ਚਸੁੱਕਾ ਲਓ। ਉਸ ਤੋਂ ਬਾਅਦ ਇਸ ਨੂੰ ਪੀਸ ਕੇ ਪਾਊਡਰ ਬਣਾ ਲਓ।
ਕਿਸ ਤਰ੍ਹਾਂ ਕਰੀਏ ਵਰਤੋਂ?
1. ਆਂਡੇ ਦੇ ਛਿਲਕਿਆਂ ਨਾਲ ਬਣੇ ਪਾਊਡਰ 'ਚ ਨਿੰਬੂ ਦਾ ਰਸ ਜਾਂ ਫਿਰ ਸਿਰਕਾ ਮਿਲਾ ਕੇ ਲਗਾਉਣ ਨਾਲ ਚਮੜੀ 'ਤੇ ਮੌਦੂਜ ਦਾਗ-ਧੱਬੇ ਤਾਂ ਸਾਫ ਹੋ ਹੀ ਜਾਂਦੇ ਹਨ ਨਾਲ ਹੀ ਇੰਫੈਕਸ਼ਨ ਦਾ ਖਤਰਾ ਵੀ ਘੱਟ ਹੋ ਜਾਂਦਾ ਹੈ। ਜੇਕਰ ਤੁਹਾਨੂੰ ਕਿਸੇ ਤਰ੍ਹਾਂ ਦੀ ਸਕਿੰਨ ਇੰਫੈਕਸ਼ਨ ਹੈ ਤਾਂ ਇਹ ਉਪਾਅ ਬਹੁਤ ਫਾਇਦੇਮੰਦ ਰਹੇਗਾ।
2. ਆਂਡੇ ਦੇ ਛਿਲਕੇ 'ਚ ਦੋ ਚਮਚ ਸ਼ਹਿਦ ਮਿਲਾ ਕੇ ਲਗਾਓ। ਇਸ ਉਪਾਅ ਨਾਲ ਜਿਥੇ ਚਿਹਰੇ 'ਤੇ ਚਮਕ ਆਵੇਗੀ ਉਧਰ ਉਸ ਦੀ ਨਮੀ ਵੀ ਬਣੀ ਰਹੇਗੀ। ਪਾਊਡਰ ਅਤੇ ਸ਼ਹਿਦ ਨੂੰ ਮਿਲਾ ਕੇ ਇਕ ਗਾੜਾ ਪੇਸਟ ਤਿਆਰ ਕਰ ਲਓ ਅਤੇ ਪ੍ਰਭਾਵਿਤ ਥਾਂ 'ਤੇ ਲਗਾਓ। ਇਕ ਹਫਤੇ ਦੇ ਅੰਦਰ ਤੁਹਾਡੀ ਚਮੜੀ 'ਚ ਫਰਕ ਨਜ਼ਰ ਆਉਣ ਲੱਗੇਗਾ
3. ਆਂਡੇ ਦੇ ਛਿਲਕੇ ਨਾਲ ਬਣੇ ਪਾਊਡਰ 'ਚ ਥੋੜ੍ਹੀ ਜਿਹੀ ਮਾਤਰਾ 'ਚ ਚੀਨੀ ਪਾਊਡਰ ਮਿਲਾ ਲਓ। ਇਸ 'ਚ ਆਂਡੇ ਦੇ ਸਫੇਦ ਹਿੱਸੇ ਨੂੰ ਪਾ ਕੇ ਚੰਗੀ ਤਰ੍ਹਾਂ ਫੈਂਟ ਲਓ। ਇਸ ਮਾਸਕ ਨੂੰ ਹਫਤੇ 'ਚ ਇਕ ਵਾਰ ਲਗਾਓ। ਕਈ ਵਾਰ ਵਰਤੋਂ ਕਰਨ ਨਾਲ ਤੁਹਾਨੂੰ ਫਰਕ ਨਜ਼ਰ ਆਉਣ ਲੱਗੇਗਾ।
4. ਤੁਸੀਂ ਬਰੱਸ਼ ਤਾਂ ਹਰ ਰੋਜ਼ ਕਰਦੇ ਹੋਵੋਗੇ ਪਰ ਕੀ ਉਸ ਦੇ ਬਾਵਜੂਦ ਤੁਹਾਡੇ ਦੰਦ ਪੀਲੇ ਹਨ। ਜੇਕਰ ਤੁਹਾਡੇ ਦੰਦ ਪੀਲੇ ਹਨ ਇਸ ਦੇ ਪਾਊਡਰ ਨਾਲ ਦੰਦਾਂ 'ਤੇ ਨਿਯਮਿਤ ਮਸਾਜ ਕਰੋ। ਇਸ ਨਾਲ ਦੰਦ ਨੈਚੁਰਲ ਤਰੀਕੇ ਨਾਲ ਸਫੇਦ ਹੋ ਜਾਣਗੇ।
5. ਤੁਸੀਂ ਚਾਹੋ ਤਾਂ ਇਸ ਪਾਊਡਰ 'ਚ ਐਲੋਵੇਰਾ ਜੈੱਲ ਮਿਲਾ ਕੇ ਵੀ ਚਿਹਰੇ 'ਤੇ ਲਗਾ ਸਕਦੇ ਹੋ। ਇਸ ਦੀ ਵਰਤੋਂ ਨਾਲ ਚਮੜੀ ਦੀ ਨਮੀ ਬਣੀ ਰਹਿੰਦੀ ਹੈ ਅਤੇ ਚਿਹਰੇ 'ਤੇ ਨਿਖਾਰ ਆਉਂਦਾ ਹੈ।
ਇਸ ਉਮਰ 'ਚ ਨਾ ਪਹਿਣੋ ਇਸ ਤਰ੍ਹਾਂ ਦੀਆਂ ਚੀਜ਼ਾਂ, ਨਹੀਂ ਤਾਂ....
NEXT STORY 
